Fréttir

8. -10. bekkur verður með stofujól fim. 16/12 frá kl. 18-20 og svo verður ball frá 20-22:30 fyrir þá sem vilja. 1. - 7. bekkur verður með stofujól mán. 20/12 frá kl. 10-12, boðið upp á gæslu fyrir og eftir fyrir nemendur í 1. - 4.bekk.

Jólamatur nemenda: Jólaskinka með paprikukrydduðum kartöflum, grænar baunir, rauðkál og brún sósa. Til drykkjar er ávaxtasafi (appelsínu- eða eplasafi) og íspinni í desert. Þeir sem ekki eru skráðir í mötuneyti geta keypt sér staka máltíð á 600 kr. og greiða fyrir það hjá ritara, fyrir miðvikudaginn 8.desember, en einnig má leggja inn á reikning 549-26-2240 kt. 500904-2240 og passa þá að skrá bekk og nafn nemenda sem verið er að kaupa fyrir og senda staðfestingu á asta@lagafellsskoli.is

Skreytingadagurinn okkar verður aftur óhefðbundinn í ár að því leyti að ekki er mögulegt að taka á móti foreldrum inn í skólann. Nemendur og starfsfólk mun gera sér glaðan dag, skreyta stofur, föndra, njóta samveru, drekka súkkulaði og maula á smákökum. Skólinn býður heitt súkkulaði en nemendur koma með smákökur að heiman. Minnum á að skólinn okkar er hnetulaus.

Íbúaþing um menntastefnu Mosfellsbæjar verður rafrænt. Þema þingsins er: Hvað er góður skóli? Þetta er kjörið tækifæri til að hafa áhrif á mótun stefnunnar og við hvetjum sem flesta til að taka þátt. Skráning á mos.is.

Foreldraviðtöl fara fram þriðjudaginn 2.nóvember. Foreldrar skrá sig í viðtal í gegnum mentor.is kv. leiðbeiningum sem sendar voru í pósti.

Þann 11.október var haldið skólaþing vegna vinnu við nýja og bætta menntastefnu Mosfellsbæjar.

Frábær árangur í lesfimi Lágafellsskóli hefur sett sér skýra og hnitmiðaða lestrarstefnu til að nemendur skólans nái marktækum árangri í lestri. Stefnan snýr fyrst og fremst að því að sameina vinnuskipulag, verkferla og að gera lestrarkennsluna betri og skilvirkari. Þessi vinna hefur skilað frábærum árangri. Í september voru lögð fyrir nemendur lesfimipróf og er árangurinn aldeilis frábær. Þessum frábæra árangri má þakka miklum metnaði nemenda og starfsfólks ásamt góðri samvinnu heimilis og skóla. Lestur er bestur!

Lestrarátakið "Eldgos" hófst í Lágafellsskóla í gær og stendur í 9 daga eða fram til 19. október. Nemendur skrá þær mínútur sem þeir lesa heima og í skólanum á skráningarblað sitt. Auk þess velja þeir hraunglóð (hjá kennara) og skrá á hana þær mínútur sem þeir lesa næstu þrjá daga. Því næst klippa þeir hraunglóðina út og festa hana upp við fjallið sem búið er að útbúa á gráa vegginn við matsal Lágafellsskóla. Þetta gera þeir á þriggja daga fresti þar til lestrarátakinu lýkur og í lok átaksins á hver nemandi þrjár hraunglóðir á eldfjallinu. Áfram lestur!

Í tengslum við endurskoðun á menntastefnu Mosfellsbæjar verður haldið skólaþing mánudaginn 11.október. Skólaþingið verður haldið í Helgafellsskóla og skipulega tekið á móti nemendum, starfsmönnum og foreldrum ásamt öðrum þeim sem áhuga hafa á að taka þátt í verkefninu. Nemendur kjósa fulltrúa úr sínum röðum, starfsmenn og foreldrar hafa fengið hlekk á skráningarform þar sem þeir geta skráð sig til þátttöku en aðrir íbúar Mosfellsbæjar geta skráð sig til þátttöku á heimasíðu Mosfellsbæjar sjá nánar í frétt: https://www.mos.is/forsida/frettir/frett/2021/09/09/Menntastefna-Mosfellsbaejar/ Við hvetjum alla áhugasama til að skrá sig hið fyrsta og nýta tækifærið til að hafa áhrifa á menntastefnu Mosfellsbæjar.

Líkt fram hefur komið sl ár, þá er tilgangurinn með „nýju“ veður leiðbeiningunum að fólk geti fylgst með viðvörunum frá Veðurstofu Íslands í gegnum fjölmiðla, þar sem allir fjölmiðlar greina frá lita viðvörunum og fylgt þeim eftir út frá þeim lit sem Veðurstofan gefur út. Fólk getur þá skipulagt sig út frá leiðbeiningunum í sínu starfi, hvort sem um ræðir starfsfólk skóla eða foreldra / forráðamenn. í dag er gul viðvörun seinni partinn vindur um 16 m á sek og grenjandi rigning en ekki hálka, m.ö.o. skólastarf og frístundastarf á að geta gengið með eðlilegum hætti en þau börn sem ganga heim úr frístund kl 16 – það er á ábyrgð forráðamanna að láta vita ef þau eiga ekki að ganga heim heldur verði sótt. https://www.shs.is/hvad-get-eg-gert/roskun-a-skolastarfi