Fréttir eftir mánuðum

Árlegur skreytingadagur skólans var haldinn fös. 25/11 þegar nemendur, foreldrar og starfsmenn föndruðu saman og skreyttu skólann hátt og lágt. Boðið var upp á heitt súkkulaði í salnum sem drukkið var með smákökum og fleira góðgæti sem nemendur komu með sér. Nú styttist óðum til jóla og margir yngri nemendur alveg með það á hreinu að setja ætti skóinn í út í glugga sun. 11.des en Stekkjastaur kemur til byggða aðfaranótt mánudagsins.

Við skólann og útibú þess á Höfðabergi eru nú laus ýmis störf. Smellið á fyrirsögn til að lesa meira.

Gunnar Helgason rithöfundur með meira kom í heimsókn í dag og las fyrir nemendur í 3.-7.bekk upp úr nýju bók sinni Pabbi prófessor sem er framhald af bókinni Mamma klikk. Bókin verður trúlega komin á bókasafn skólans í næstu viku en nemendur voru yfir sig hrifnir af lestrinum.

Skólinn okkur fagnar 15 ára afmæli um þessar mundir en fyrsta sjálfstæða ár skólans var veturinn 2001-2002 en áður hafði hann starfað sem útibú í 2 ár frá Varmárskóla og hét þá Vestursetur. Síðan þá hefur nemendafjöldi rúmlega fjórfaldast og er skólinn núna einn af þeim fjölmennustu á landinu. Allir fengu köku í tilefni dagsins.

Rok og rigning getur seinkað ferðum nemenda til skóla. Skólar eru opnir, en mikilvægt er að foreldrar gæti þess að yngri börn fari ekki ein í skóla, þetta á sérstaklega við í efri byggðum og þar sem börn þurfa að fara yfir opin svæði á leið sinni í skóla. Með yngri börn er hér átt við 12 ára og yngra.

Unnið var með táknrænum hætti gegn einelti með því að nemendur skrifuðu á renning það sem þeir telja að geti komið í veg fyrir einelti og síðan voru blöðin heftuð saman svo úr varð löng pappírskeðja.