logo
  • Samvera -
  • Samvinna -
  • Samkennd

Mötuneyti

Áskrift í  mötuneyti

Sækja þarf um áskrift í mötuneyti í gegnum Íbúagátt Mosfellsbæjar í síðasta lagi 20. hvers mánaðar svo nemandinn komist í áskrift mánuðinn á eftir.

Áskrift að mötuneyti greiðist fyrirfram einn mánuð í senn. Sé áskrift ekki sagt upp fyrir  20. dag síðasta mánaðar  áskriftartímabilsins endurnýjast hún sjálfkrafa. 

 Vinsamlega athugið að ekki verður hægt að endurnýja áskrift við þá sem eru í vanskilum vegna fyrra skólaárs.

Greiðslur með kreditkorti

Hægt er að greiða mánaðaráskrift mötuneytis með Visa eða Mastercard. Þeir sem velja sér þessa þjónustu þurfa að tilkynna breytt greiðsluform til skrifstofu skólans fyrir 15. hvers mánaðar.

Sé áskrift ekki sagt upp fyrir 15. dags síðasta mánaðar áskriftartímabilsins endurnýjast hún sjálfkrafa.

Breytingar á verði

Verði breyting á verði máltíðar á áskriftartímabilinu þá gefst áskrifendum kostur  á að endurskoða samninginn.

Áhersla á fjölbreyttar máltíðir á matseðli

Nemendum stendur til boða hádegisverður, kjöt- eða fiskiréttur, súpur, mjölkurvörur, brauðmeti og ávextir. Matseðillinn er unninn samkvæmt manneldismarkmiðum fyrir Íslendinga og er lögð áhersla á að hafa máltíðirnar fjölbreyttar. Hugað er vandlega að næringargildi og almennri hollustu. 

Einnig er hægt að kaupa samlokur í mötuneytinu og eru þar samlokugrill og örbylgjuofn til afnota fyrir nemendur. Að sjálfsögðu geta nemendur komið með nestispakka að heiman og er mötuneytið aðeins valkostur og viðbót við þá þjónustu sem skólinn veitir.

Ávaxtabitinn inniheldur ferska ávexti daglega.

Hægt er að sækja um ávaxtabita fyrir börn í 1 .- 6. bekk í Lágafellsskóla í gegnum Íbúagátt Mosfellsbæjar.

Þegar komið er inn í Íbúagáttina er smellt á Umsóknir og svo Grunnskólar. Þar er svo smellt á „Lágafellsskóli: Umsókn um mötuneyti og ávaxtabita". Fyllið út umsóknarformið í samræmi við leiðbeiningar, smellið á senda og fylgist í framhaldinu með afgreiðslunni í gegnum gáttina.

Gjaldskrá fyrir mötuneyti grunnskóla Mosfellsbæjar:

  • Hver máltíð 400 kr frá 1/8 2019.
  • Ávaxtabiti 115 kr frá 1/8 2017.

Greitt er áskriftargjald fyrir einn mánuð í senn og fer mánaðarverð eftir fjölda nemendadaga sjá nánar í reglum um mötuneytisáskrift.

Verð

  • Máltíð = 400 kr. (rukkað er fyrir mánuð í einu).
  • Ávaxtabiti = 115 kr. á dag (rukkað er fyrir mánuð í einu).
  • Samlokur með osti eða áleggi = 200 kr. (seldar í lausasölu).
  • Panini með áleggi og sósu = 350 kr. (seldar í lausasölu).
  • Langlokur = 500 kr. (seldar í lausasölu).
  • Ávextir í lausu fyrir nemendur í 8.-10.bekk = 100 kr.
  • Hafragrautur í instant pakkningu = 150 kr.
  • Við erum ekki í útifötum í matsalnum.
  • Við förum í röð og ryðjumst ekki.
  • Við sýnum starfsfólki virðingu og erum kurteis.
  • Við tölum hljóðlega saman og forðumst óþarfa hávaða.
  • Við göngum vel frá diskum, hnífapörum, glösum og matarleifum.
  • Við erum ekki með höfuðföt eða í yfirhöfnum í matsalnum.


Hvarð er gert þegar reglur í mötuneyti eru brotnar?

Yngri deild:

  • Umsjónarkennari ræðir við barnið (þrisvar).
  • Talað við foreldra viðkomandi barns og deildarstjóra.
  • Viðkomandi vísað úr matsal á matmálstíma og snæðir einn undir eftirliti að afloknum hefðbundnum matmálstíma.

Eldri deild:

  • Umsjónarkennari ræðir við barnið (þrisvar).
  • Talað við foreldra viðkomandi barns og deildarstjóra.
  • Barnið látið ganga frá í mötuneyti.
  • Viðkomandi vísað úr matsal á matmálstíma og snæðir einn undir eftirliti að afloknum hefðbundnum matmálstíma.

Þessi síða notar vafrakökur Lesa meira