logo
  • Samvera -
  • Samvinna -
  • Samkennd

Reglur um inniveru í frímínútum

Frímínútur og innivera

Nemandi í 1. - 2. bekk sem af einhverjum ástæðum þarf að vera inni í frímínútum dvelur á 5 ára deild skólans í umsjón starfsmanna deildarinnar.

Nemandi í 3. - 7. bekk sem af einhverjum ástæðum þarf að vera inni í frímínútum dvelur í stofu 253-254 í umsjón starfsmanna skólans.

Nemendur unglingadeildar, í 8. - 10. bekk, hafa val um hvort þeir eru inni eða úti.

Þurfi nemandi að vera inni í frímínútum skal skila beiðni frá foreldri/forráðamanni þar sem ástæða inniverunnar er tilgreind. Heimilt er að vera inni tvo daga eftir veikindi. Þurfi nemandi að vera lengur inni vegna langvarandi veikinda eða meiðsla skal skila læknisvottorði.

Hamli veður útivist eru nemendur inni undir umsjón starfsmanna. Mikilvægt er að nemendur séu klæddir í samræmi við veður og hafi með sér aukaföt að heiman ef þurfa þykir.


Frímínútur í 1. - 2. bekk eru tvisvar yfir skóladaginn, kl: 9:40-10:00 og kl: 11:50-12:40.

Frímínútur í 3. - 7. bekk eru tvisvar yfir daginn, kl. 9:40-10:00 og kl. 11:20-11:40 eða kl. 11:40-12:00.

Frímínútur í 8. - 10. bekk eru þrisvar yfir daginn, kl. 9:35-9:55, 12:05-12:35 og 13:15-13:25

Kennarar, stuðningsfulltrúar og skólaliðar sinna gæslu í frímínútum.