Fréttir eftir mánuðum

Innritun 6 ára barna sem hefja grunnskólagöngu haustið 2018 fer fram frá 1. mars til 20. mars og skal sótt um í gegnum Íbúagátt Mosfellsbæjar. Innritun barna og unglinga með lögheimili í Mosfellsbæ, sem óska eftir að sækja grunnskóla í öðrum sveitarfélögum utan lögheimilis, skulu berast í gegnum Íbúagátt Mosfellsbæjar fyrir 1. apríl. Umsóknir fyrir nýtt skólaár endurnýjast ekki sjálfkrafa.

Fókus hópurinn sem tekur þátt í Evróvision undankeppninni hérlendis kom í heimsókn til okkar og tóku lagið sitt Aldrei gefast upp bæði á íslensku og ensku. Hópnum var vel tekið af nemendum skólans sem flest öllu kunnu lagið og sungu hressilega með. Hópurinn samanstendur af 5 söngvurum sem eru Eiríkur Þór Hafdal, Karitas Harpa Davíðsdóttir, Hrafnhildur Ýr Víglundsdóttir, Rósa Björg Ómarsdóttir og Sigurjón Örn Böðvarsson.

Mán. 19/2 og fim. 22/2 komu nemendur úr Listaskól Mosfellsbæjar í heimsókn til okkar og spiluðu fyrst fyrir nemendur á Höfðabergi og síðan fyrir nemendur í 3.-7. b. í Lágafellsskóla. Leikið var m.a. á píanó, fiðlu, gítar, trommur, hljómborð og einnig var sungið. Í lokin kom tvær hljómsveitir nemenda fram og slógu rækilega í gegn með glæsilegu spili og söng.

Þemadagar voru haldnir í Lágafellsskóla 20. og 21. feb. þar sem hefðbundið skólastarf var lagt til hliðar og unnið með með eftirfarandi efni. 1. -2. bekkur: Álfar og tröll, 3. -7. bekkur: Disney og 8. – 10. bekkur Hairsprey (bíómyndina). Vinnustöðar voru mjög fjölbreyttar og mikil gleði ríkti meðal nemenda og starfsmanna þessa daga. Myndir lýsa þessu skemmtilegum dögum best.

Stór skemmtilegur öskudagur með karnival skemmtun undir stjórn tómstundafræðinganna Daníels, Ívars Orra og Örnu Rósar ásamt nemendum úr nemendaráði skólans fór fram í sal skólans þar sem allskonar furðuverur skemmtu sér vel saman.

Haustið 2017 hófst vinna við að undirbúa sókn í upplýsinga- og tæknimálum í leik- og grunnskólum Mosfellsbæjar. Forsenda tækniframfara í skólunum er fartölvuvæðing kennara og fagfólks, fjölgun spjaldtölva fyrir nemendur og að bæta tækniumhverfi skólanna almennt.