Fréttir eftir árum

Skreytingadagur er föstudaginn 2.desember fyrir nemendur í 1.-10.bekk frá kl. 8:10 - 9:30. Ánægjulegt að geta boðið foreldrum með að nýju og bjóðum við þá sérstaklega velkomna.

Mæting hjá 1. - 7. bekk er kl. 8:30 í umsjónarstofur en gæsla verður fyrir þá nemendur í 1. - 4. bekk sem vilja koma fyrr eða frá kl. 8:10-8:30. Mæting hjá 8. – 10.bekk er kl. 8:20 í umsjónarstofur. Allri kennslu lýkur kl. 13:20 og tekur þá Frístund við hjá þeim nemendum í 1. – 4. bekk sem þar eru skráðir. Öll kennsla skv. stundaskrá fellur niður þessa daga og þurfa nemendur því ekki að mæta með íþrótta- og eða sundföt nema að kennarar sendi sérstakan póst um það. Þemað sem unnið verður með er Lágafellsskóli í 20 ár og Mosfellsbær.

Í þessari viku 13.-16.september, vikunni 19.-23.september og 26.-30.september verða námsefniskynningar í Lágafellsskóla. Hver árgangur sendir upplýsingar á foreldra um fyrirkomulag kynninganna.

Ágætu foreldrar/forráðamenn nemenda í 1. bekk. Í tilefni þess að barnið þitt/ykkar er að stíga sín fyrstu skref á skólagöngunni er það okkur ánægja að bjóða foreldrum / forráðamönnum til kynningarfundar og kvöldverðar í hátíðarsal skólans þriðjudaginn 13. september 2022, kl. 17:30 – 20:00. Tilgangurinn með fundinum er að gefa ykkur upplýsingar um skólastarfið, umgjörð þess og þá þjónustu sem barninu stendur til boða. Árangur í skólastarfi tengist farsælu samstarfi milli heimilis og skóla og því vonumst við til að sem flestir sjái sér fært að þiggja boðið.

Enn og aftur fær skólasafnið góða peningagjöf frá Foreldrafélagi Lágafellsskóla en það gaf því nýlega 150.000 krónur til bókakaupa. Þetta er kærkomin gjöf sem nýttist afar vel nú í upphafi skólaársins við kaup á nýútkomnum barnabókum. Takk kærlega fyrir stuðninginn kæru foreldrar og aðrir aðstandendur, ykkar stuðningur er ómetanlegur

Skólasetning þriðjudaginn 23. ágúst í hátíðarsal Lágafellsskóla

Vekjum athygli á því að breyting hefur verið samþykkt í fræðslunefnd á áður útgefnu skóladagatali fyrir Lágafellsskóla 2022-2023, breytingin er í október í kringum vetrarfrí. Sjá nýtt dagatal hér http://www.lagafellsskoli.is/library/Skoladagatol/L%c3%a1gafellssk%c3%b3li%202022%20-%202023%20breytingartillaga.pdf

Skólaslit verða hjá 1. – 9. bekk skólans miðvikudaginn 8. júní.

Miðvikudaginn 11. maí verður haldin vorhátíð nemenda í 1.- 6. bekk Lágafellsskóla. Nemendur hafa undanfarið æft skemmtiatriði sem flutt verða á sviði skólans og er foreldrum og systkinum sérstaklega boðið að koma og njóta þessara skemmtiatriða í hátíðarsal skólans. ár sýningar verða þennan dag og stendur hver þeirra yfir í ca. 45 mínútur og eru gestir beðnir um að mæta stundvíslega áður en sýning hefst og sitja þar til sýningu lýkur. 1. sýning 16:30 hálfur 1.bekkur*, 3.-HS, 4.-EVÓ, 5.-AÖM og 6.-AH 2. sýning 17:30 2.bekkur, 4.-HÞ, 5.-IRÍ, 6.-ÁPR og 6.-EHV 3. sýning 18:30 hálfur 1.bekkur*, 3.-AJ, 4.-LÞ, 5.-JLS og 6.-UMA * kennarar í 1.bekk verða búnir að senda á foreldra í hvorum hópnum barnið þeirra er.

Lestrarátakinu "Páskaeggjalestur" lauk á þriðjudaginn en í dag var tilkynnt hvaða bekkir lásu mest. Lestrarhestar þessa lestrarátaks voru 3. HA á yngsta stigi, 6. EHV á miðstigi og hópur 9-G á unglingastigi og námsverið Fellið. Samtals lásu nemendur í 220.283 mínútur sem gera 3.671 klukkustundir eða 153 dagar! 😊 Allir fengu viðurkenningarskjal og verðlaunahafar fengu óvæntan glaðning. Til hamingju krakkar, þið stóðuð ykkur frábærlega vel 👏👍