Fréttir

Leikskólar Mosfellsbæjar fóru á námskeiðið Lubbi finnur málbein sem er námsefni sem við nýtum í vinnu með börnunum í leikskólahluta Lágafellsskóla Höfðabergi. Frá Höfðabergi fóru þrír starfsmenn á námskeiðið.

Margrèt fulltrúi Landvernd kom og afhenti skólanum grænfánann. Helga fulltrúi umhverfisnefndar tók á móti viðurkenningarskjali og sagði nokkur orð. Nemendur í umhverfisnefnd tóku á móti fánanum fyrir hönd Lágafellsskóla. Nemendur í 4 bekk sáu um söng við athöfnina. Árni meðlimur í umhverfisnefnd dró fánann að húni.

Nemendur á Höfðabergi vilja þakka foreldarfélagi skólans fyrir hoppukastalana í dag sem voru í boði foreldrafélagsins. Takk kærlega fyrir okkur :-)

Enn og aftur fær skólasafnið stórkostlega gjöf frá foreldrafélagi Lágafellsskóla þegar það gaf safninu 150.000 krónur til bókakaupa.

Bæklingur með lýsingu á valgreinum er kominn inn á heimasíðu skólans http://www.lagafellsskoli.is/skolastarfid/valgreinar/

Lestrarátakinu "Fuglar á grein" lauk á föstudaginn í síðustu viku en í dag var tilkynnt hvaða bekkir lásu mest en það voru 2. bekkur á Höfðabergi, 3. GEA á yngsta stigi, 5. RG á miðstigi og 10.ÓKJ á unglingastigi. Samtals lásu nemendur í 161.768 mínútur sem gera 2.696 klukkustundir eða 112 dagar 😊 Allir fengu viðurkenningarskjal og verðlaunahafar fengu óvæntan glaðning. Til hamingju krakkar, þið stóðuð ykkur vel!

Fimmtudaginn 14. maí söfnuðust umhverfisfulltrúar saman á sal skólans til að skapa saman umhverfissáttmála Lágafellsskóla. Fjölmargir aðrir nemendur komu einnig að þeirri vinnu. Umhverfissáttmálinn er lokaskrefið í átt að flöggun Grænfánans, sem stefnt hefur verið að í tvo vetur. Sem þakklætisvott fyrir vel unnin störf fengu fulltrúarnir íspinna og viðurkenningarskjal. Sáttmálinn verður kynntur á næstu dögum.

Við viljum vekja eftirtekt á því að búið er að opna fyrir umsóknir í (vetrar) frístundasel fyrir verðandi 1. bekkinga haustið 2020 á Íbúagátt Mosfellsbæjar. Einnig viljum við benda öllum þeim sem NÚNA eru skráðir í mötuneyti að þeir halda sinni áskrift áfram yfir á næsta skólaár og þarf því EKKI að sækja sérstaklega um það. Þeir sem ætla að hætta í mat á næsta skólaári þurfa hinsvegar að segja upp áskriftinni inn á Íbúagáttinni fyrir 20.ágúst.

Lestrarátakið "Fuglar á grein" hófst í Lágafellsskóla í dag og stendur í 10 daga eða fram til 15. maí. Nemendur skrá þær mínútur sem þeir lesa heima og í skólanum á skráningarblað sitt. Auk þess velja þeir fugl (hjá kennara) og skrá á hann þær mínútur sem þeir lesa næstu þrjá daga. Því næst klippa þeir fuglinn út og festa hann upp í gluggann í bekkjarstofu sinni. Þetta gera þeir á þriggja daga fresti þar til lestrarátakinu lýkur og í lok átaksins á hver nemandi þrjá fallega fugla í glugga skólastofu sinnar. Áfram lestur!

Nú erum við loksins að sjá fyrir endann á skertu skólastarfi sem staðið hefur frá 16. mars. Frá og með mánudeginum 4.maí n.k. mun allt skólastarf falla í eðlilegar horfur og kennt verður skv. stundatöflu frá og með þeim degi. Allir nemendur mæta því kl. 8:10 á mánudaginn og nota þann inngang sem þeir voru með fyrr í vetur.