Fréttir

Skólahlaup UMSK 2019 var haldið í Mosfellsbæ miðvikudaginn 2. október. Góð þátttaka var í hlaupinu eða um 600 hlauparar. Keppt var í fjórum árgöngum þ.e. 4. -7. bekk. Fyrstu þrír í hverjum aldursflokki fengu viðurkenningu. Af 24 nem. sem komust á verðlaunapall átti Lágafellsskóli 11 :-)

Föstudagurinn 11. október 2019 er Bleiki dagurinn. Í tilefni dagsins ætlum við í Lágafellsskóla að klæðast bleikum fötum eða skreyta okkur með bleiku. Bleiki dagurinn hefur notið sívaxandi vinsælda undanfarin ár í bleikum október. Þennan dag hvetjum við landsmenn til að bera slaufuna, klæðast bleiku og lýsa skammdegið upp í bleikum ljóma svo allir sem greinst hafa með krabbamein finni stuðning og samstöðu.

Vegna ítrekaðra skemmdarverka á skólalóð Höfðabergs hafa verið settar upp fjórar öryggismyndavélar sem mynda lóðina. Myndavélarnar eru settar upp í öryggis- og eignarvörslutilgangi. Upptökur verða aðeins skoðaðar ef eignarspjöll koma upp og ekki nema tilefni sé til. Upptökurnar eru geymdar í 40 daga og aldrei afhentar öðrum en lögreglu og þá aðeins ef upp koma eignarspjöll.

Skýrsla frá Rannsókn og greiningu sem kynnt var á fundi með foreldrum í Mosfellsbæ mið. 26/9 er nú komin inn á heimasíðu skólans undir flipanum Hagnýtt.

Sú nýbreytni verður í vetur að boðið verður upp á frístundabíl sem ekur á milli skólasvæða í Mosfellsbæ. Ekinn er ákveðinn hringur þrisvar sinnum yfir daginn sem hefst kl. 14:00, 14:25 og 15:25. Mælst er til þess að yngstu börnin gangi fyrir í þessum frístundaakstri.

Skólasetning í hátíðarsal Lágafellsskóla fös. 23/8 fyrir 2.-10.bekk og fyrsti skóladagur skv. stundatöflu mán. 26/8. Smellið á fyrirsögn til að sjá nánar.

Þann 1.ág. tók Lísa Greipsson formlega við sem skólastjóri í Lágafellsskóla og tók við lyklunum af Jóhönnu Magnúsdóttur sem verið hefur skólastjóri frá upphafi skólans 2001.

Skólaslit verða hjá 1. – 9. bekk skólans miðvikudaginn 5. júní. Nemendur í 3. – 9. bekk mæta til stuttrar athafnar í sal skólans og að henni lokinni fara þeir í sína stofu með umsjónarkennara, fá afhentan vitnisburð og kveðja kennara sinn. Nemendur fara heim að þessu loknu. Foreldrar eru hjartanlega velkomnir.

Stjórn foreldrafélag Lágafellsskóla samþykkti að styrkja bókasafn skólans með peningagjöf að fjárhæð 150 þúsund krónur. Stjórn foreldrafélagsins vill þannig fyrir hönd foreldra hvetja stjórnendur og starfsfólk til að halda áfram að bæta við bókakost skólans og hvetja þannig til yndislesturs barna og unglinga í Lágafellsskóla

Í dag heimsótti Skólahljómsveit Mosfellsbæjar okkur í Lágafellsskóla. Börn úr 2.- 4. bekk hlustuðu á frábæra tónleika og kynningu á hinum ýmsu hljóðfærum. Börn voru hvött til að sækja um í skólahljómsveitina fyrir næsta vetur, ef þau hefðu áhuga. Hljómsveitin stóð sig afar vel og vakti mikla hrifningu.