Fréttir

Stjórn foreldrafélag Lágafellsskóla samþykkti að styrkja bókasafn skólans með peningagjöf að fjárhæð 150 þúsund krónur. Stjórn foreldrafélagsins vill þannig fyrir hönd foreldra hvetja stjórnendur og starfsfólk til að halda áfram að bæta við bókakost skólans og hvetja þannig til yndislesturs barna og unglinga í Lágafellsskóla

Í dag heimsótti Skólahljómsveit Mosfellsbæjar okkur í Lágafellsskóla. Börn úr 2.- 4. bekk hlustuðu á frábæra tónleika og kynningu á hinum ýmsu hljóðfærum. Börn voru hvött til að sækja um í skólahljómsveitina fyrir næsta vetur, ef þau hefðu áhuga. Hljómsveitin stóð sig afar vel og vakti mikla hrifningu.

Skóladagatal næsta árs má finna á heimasíðunni undir flipanum Skólastarfið - skóladagatal http://www.lagafellsskoli.is/library/Skoladagatol/dagatal-2019-2020.pdf

Litla upplestrarkeppnin fór fram dagana 2.-5.apríl í 4.bekkjum Lágafellsskóla.

Föstudaginn 12.apríl fór fram hin árlega upplestrarkeppni Laxnessinn í 6.bekk Lágafellsskóla.

Við viljum vekja athygli á lausum störfum við skólann næsta haust. Sjá á ráðningarvef bæjarins mos.i s og alfred.is Með því að smella á fyrirsögina er hægt að komast beint inn á þessar síður.

Stóra upplestrarkeppnin var haldin í 21. skipti í Mosfellsbæ fim. 28/3. Keppnin í ár var haldin í Varmárskóla. Til leiks voru mættir 10 framúrskarandi og hæfileikaríkir upplesarar frá Lágafells- og Varmárskóla. Keppendur fyrir hönd Lágafellsskóla voru: Alex Máni Hrannarsson 7.-IRÍ, Aron Valur Gunnlaugsson 7.-JLS, Eydís Ósk Sævarsdóttir 7.-IRÍ, Katrín Ósk Davíðsdóttir 7.-JÞ og Þórey Kristjana Björnsdóttir 7.-JLS. Þjálfari þeirra var Ýr Þórðardóttir

Lestrarátaki Ævars vísindamanns lauk 1. mars og skiluðu nemendur Lágafellsskóla inn samtals 601 miðum sem þýðir að þeir lásu 1.803 bækur. Foreldrar voru líka duglegir að taka þátt en þeir skiluðu inn 51 miðum og lásu því samtals um 153 bækur :-)

Bæjarstjórn leggur til að umhverfissviði verði falið að láta framkvæma skoðun á ÖLLU skólahúsnæði Mosfellsbæjar m.t.t. rakaskemmda og hugsanlegs örveruvaxtar tengdum þeim. Ef fram koma merki um örveruvöxt í þeirri skoðun verði strax gerð áætlun um úrbætur og ráðist í þær.

Innritun í grunnskóla Mosfellsbæjar fyrir skólaárið 2019-2020 fer fram í gegnum Íbúagátt Mosfellsbæjar. Innritun skólaskyldra barna og unglinga sem flytjast til Mosfellsbæjar skal vera lokið 1. apríl. I nnritun barna og unglinga með lögheimili í Mosfellsbæ, sem óska eftir að sækja grunnskóla í öðrum sveitarfélögum utan lögheimilis, skulu berast í gegnum Íbúagátt Mosfellsbæjar fyrir 1. apríl.