Fréttir

Gul veðurviðvörun tekur gildi í dag og varir fram eftir degi á morgun þriðjudag. Sjá upplýsingar hér: https://www.vedur.is/vidvaranir/svaedi/rvk Forsjáraðilar þurfa að meta sjálfir hvort fylgja þurfi börnum í eða úr skóla eða frístundastarfi. Ekki er gert ráð fyrir röskun á skólastarfi í Mosfellsbæ

Veðrið er gengið niður og hafa því skólayfirvöld á höfuðborgarsvæðinu ákveðið að opna leikskóla og Frístundastarf klukkan 13:00. Þessi ákvörðun á einungis við þá leikskóla þar sem ekki voru áður auglýstir skipulagsdagar. Starf grunnskóla fellur niður í dag eins og áður hefur verið tilkynnt. Starf frístundaheimila, íþróttastarf, tónlistarskóla og félagsmiðstöðvr hefst á sínum hefðbundnu tímum eftir hádegi.

Rauð veðurviðvörun hefur verið gefin út fyrir höfuðborgarsvæðið á morgun mánudag sem þýðir að fólk á ekki að vera á ferðinni nema brýna nauðsyn beri til. Þó svo veður verði skaplegt á morgun og veðurviðvaranir ekki til staðar, þá mun færð spillast og er mikilvægt að fólk haldi sig heima meðan verið er að ryðja vegi og fólk fylgist vel með upplýsingum, en það er tímafrekt að ryðja húsgötur. Reglulegt skóla- og frístundastarf fellur niður en leikskólar og grunnskólar verða engu að síður opnir með lágmarksmönnun fyrir fólk sem þarf nauðsynlega á vistun fyrir börn sín að halda – það er fólk sem sinnir neyðarþjónustu, löggæslu, slökkvistörfum og björgunarsveitarútköllum. Það væri mjög gott ef einhverjir þurfa á þessari neyðarþjónustu að halda að senda póst á asta@lagafellsskoli.is svo við vitum hversu von er á mörgum börnum.

Heilsugæslan skipuleggur bólusetningu barna í 1.-6. bekk. Kennsla fellur niður í Lágafellsskóla í 1.-6.bekk frá kl. 11.00 miðvikudaginn 2.febrúar. Frístund verður opin frá 13:20-17:00. Foreldrar barna í 1.-6.bekk hafa fengið bréf frá Heilsugæslunni um nánara fyrirkomulag. Sjá einnig á upplýsingasíðu heilsugæslunnar: https://www.heilsugaeslan.is/um-hh/frettasafn/stok-frett/2022/01/06/Bolusetning-skolabarna-i-Laugardalsholl/

Samkvæmt nýjustu reglugerð mega þeir nemendur sem nú eru í sóttkví vegna annarra t.d. skólafélaga mæta aftur í skólann á morgun. Ef nemandi er í sóttkví vegna smits inn á eigin heimili þarf hann að vera áfram í sóttkví skv. reglugerð og fara í pcr próf daginn eftir að sá sýkti losnar úr einangrun. Sit hér link þar sem fram koma m.a. algengar spurningar og svör við þeim vegna þessara breytingar https://www.stjornarradid.is/.../Ahrif-breyttra-reglna.../

Smellið á fyrirsögnina til að skjalið opnist í nýjum glugga og þá sést hvaða daga börnin eru ekki í hefbundinnu mötuneyti.

Skólastarf er hefðbundið að mestu leyti skv. núgildandi takmörkunum v/covid. Eingöngu þarf að huga að fjöldatakmörkunum nemenda í matsal sem hefur nokkrar breytingar í för með sér.

Jólfrí nemenda hefst 21. desember og stendur til og með 3. janúar. Það verður opið í frístund fyrir þá sem hafa skráð sig 21. - 23. desember og svo 28. - 29. desember en lokað að öðru leyti þar sem lágmarks skráning náðist ekki.

8. -10. bekkur verður með stofujól fim. 16/12 frá kl. 18-20 og svo verður ball frá 20-22:30 fyrir þá sem vilja. 1. - 7. bekkur verður með stofujól mán. 20/12 frá kl. 10-12, boðið upp á gæslu fyrir og eftir fyrir nemendur í 1. - 4.bekk.

Jólamatur nemenda: Jólaskinka með paprikukrydduðum kartöflum, grænar baunir, rauðkál og brún sósa. Til drykkjar er ávaxtasafi (appelsínu- eða eplasafi) og íspinni í desert. Þeir sem ekki eru skráðir í mötuneyti geta keypt sér staka máltíð á 600 kr. og greiða fyrir það hjá ritara, fyrir miðvikudaginn 8.desember, en einnig má leggja inn á reikning 549-26-2240 kt. 500904-2240 og passa þá að skrá bekk og nafn nemenda sem verið er að kaupa fyrir og senda staðfestingu á asta@lagafellsskoli.is