Skólasetning

Ágætu foreldrar
Við byrjum skólaárið í svipuðum aðstæðum og við lukum því varðandi þátttöku foreldra í skólastarfinu. Flesta daga ársins finnið þið lítið fyrir því en skólasetningardagur er hátíðisdagur í hugum okkar flestra og þá vill sem betur fer stór hluti foreldra mæta með börnunum sínum. Þetta á sérstaklega við um foreldra fyrstu bekkinga sem eru að hefja tíu ára grunnskólagöngu og stíga stórt skref í lífinu.

Okkur ber að framfylgja sóttvarnarreglum og tryggja að fullorðnir (aðrir en starfsmenn) geti virt tveggja metra regluna. Því er útilokað að hafa skólasetningu með þeim hætti sem verið hefur. Ekki gengur heldur að foreldrar fylgi nemendum í kennslustofur því við þær aðstæður getum við ekki tryggt tveggja metra regluna eða virt fjöldatakmarkanir.

Við erum öll komin í góða æfingu með að breyta skipulagi og laga okkur að þessari veiru sem stjórnar öllu og erum búin að endurskipuleggja skólasetninguna.

Okkur finnst lykilatriði að foreldrar barna í yngstu bekkjunum geti fylgt börnunum sínum á skólasetningu og við vitum að allir hafa fullan skilning á því. Foreldrar barna í 4.-10. bekk geta aftur á móti ekki fylgt sínum börnum inn nema um sérstakar aðstæður sé að ræða og þá í samráði við skólann.

Skólasetning fyrir nemendur í 2.-10.bekk er þriðjudaginn 25. ágúst.

4. – 10. bekkur Salur Lágafellsskóla

• Nemendur mæta á eftirfarandi tímum í sal skólans – án foreldra

• Kl. 08:30    4.bekkur
• Kl. 09:00    5.bekkur
• KL. 9:30      6.bekkur
• KL. 10:00    7.bekkur
• KL. 10:30    8.-10.bekkur

2. – 3.bekkur Salur Lágafellsskóla

• KL. 11:00  3.bekkur – eitt foreldri fylgi barni, þar sem ekki er hægt að tryggja 2m regluna er ætlast til að foreldrar mæti með grímu og hanska

• Kl. 13:00  2.bekkur – eitt foreldri fylgi barni, þar sem ekki er hægt að tryggja 2m regluna er ætlast til að foreldrar mæti með grímu og hanska

1.bekkur Salur Lágafellsskóla

Skólasetning fyrir 1.bekk er miðvikudaginn 26.ágúst kl. 08:15 á sal skólans.

Eitt foreldri fylgir hverju barni.  Eftir skólasetningu er gengið út á Höfðaberg í stofur þar sem umsjónarkennarar fá orðið.  Þar sem ekki er hægt að tryggja 2m regluna er ætlast til að foreldrar mæti með grímu og hanska.

Fyrsti kennsludagur er miðvikudagurinn 26.ágúst og kennsla hefst kl. 8:10 eða skv. stundaskrá.

Vegna sóttvarnarreglna þurfa foreldrar að kveðja börnin sín fyrir utan skólann. Í einstaka tilfellum munu foreldrar þurfa að fylgja börnum sínum inn og við biðjum ykkur að hafa umburðarlyndi gagnvart því að það eigi bara við í einstaka tilfellum. Þeir foreldrar sem þurfa að koma inn verða að vera með hanska.

Til að öllum finnist þeir öruggir við þessar undarlegu aðstæður sem við stöndum frammi fyrir núna þá ætlum við að biðja alla sem eiga erindi í skólann að koma inn um aðalanddyri og gefa sig fram við skrifstofuna. Þannig tryggjum við sóttvarnir eins og hægt er.

Með fyrirfram þökk fyrir að sýna skilning og vinna þetta eins vel og við getum. Saman getum við allt.

Við hlökkum til samstarfsins við ykkur í vetur.

Starfsfólk Lágafellsskóla