Frá Skólabókasafni

Ef þið viljið fylgjast með hvaða bækur börn ykkar eru að fá að láni hér á skólasafninu (og öðrum almennings bókasöfnum) getið þið gert það með því að skrá ykkur inn á Leitir.is. Eflaust vita margir af þessum möguleika en kannski einhverjir sem ekki hafa nýtt sér hann. Inn á Leitir.is ýtið þið á flipann „Innskráning“ og þegar sá flipi opnast skráið þið inn kennitölu barnsins og lykilorð.

Ef ykkur vantar lykilorð þá get ég eða næsta bókasafn búið til fyrir ykkur lykilorð (þið getið líka valið það sjálf ef þið viljið en það þarf að innihalda 4-6 tölustafi). Þegar þið eruð búin að skrá ykkur inn ýtið þið á „Mínar síður“ og þá fáið þið upp lista yfir þær bækur sem barnið er með í láni (útlánalisti). Ef þið ýtir svo á flipann þar við hliðina „útlánasaga“ þá getið þið séð hvaða bækur barnið hefur verið að lesa í gegnum tíðina. Svona er hægt að skoða lestrar- og útlánasögu allra fjölskyldumeðlima sem nýta sér bókasöfn landsins. Hafið endilega samband ef ykkur vantar lykilorð. Gangi ykkur vel J

Með bestu kveðju

Skólabókasafn Lágafellsskóla