Bollu-. sprengi- og öskudagur

 Bollu- og öskudagur

27. feb. og 1. mars

Sæl og blessuð öllsömul        

Mánudaginn 27. febrúar er bolludagur. Þá hefur verið sú hefð að nemendur mega koma með bollu í skólann til að borða í nestinu.

Þriðjudaginn 28. febrúar er sprengidagur. Þá er saltkjöt og baunir í hádegismatinn hjá þeim nemendum sem eru í mataráskrift.

Miðvikudaginn 1. mars er öskudagur. Þetta er skóladagur og eru nemendur og starfsmenn hvattir til að koma í búningum í skólann.

Sund fellur niður þennan dag og ekki þarf að mæta með leikfimiföt heldur verða þessir tímar með öðru sniði en vanalega.

Stundatafla er brotin upp með öskudagsballi fyrir alla árganga skólans.

Í hádegismat á öskudag verður pizza í matinn en þeir sem ekki eru skráðir í mötuneytið geta skráð sig sérstaklega þennan dag. Skráning er hjá ritara og þar er tekið á móti greiðslu, kr. 600 í síðasta lagi mánudaginn 27. febrúar.

Kennslu í 3.-10. bekk lýkur kl. 13:15 þennan dag en kl. 13:30 hjá 1. – 2. bekk á Höfðabergi. Mælst hefur verið til þess að fyrirtæki í Mosfellsbæ byrji ekki að gefa sælgæti/gjafir fyrr en eftir þennan tíma.

ATH. Að ekki verða gefin leyfi fyrir nemendur á öskudag, nema rík ástæða sé til.

Nemendur sem skráðir eru í frístundasel fara þangað eftir kennslu.

Þeir foreldrar sem vilja fá leyfi fyrir börn í  frístundaseli þurfa að hafa samband við Ágústu, forstöðumann frístundasels, í síma 896-2682 eða í tölvupósti agusta@lagafellsskoli.is fyrir kl. 12 á öskudaginn.

Með góðum kveðjum.

Starfsmenn Lágafellsskóla