Lágafellsskóli - símalaus skóli frá 4.janúar 2024

Lágafellsskóli - símalaus skóli

Allt frá árinu 2020 hefur umræða verið meðal starfsmanna, foreldrafélags og foreldra hér í Lágafellsskóla um að skólinn verði símalaus. Flest þekkjum við neikvæð áhrif mikillar símanotkunar á heilsu og líðan og því er ekki spurning í okkar huga að láta verða af þessari hugmynd. Í haust hafa starfsmenn skólans unnið að tillögum varðandi framkvæmdina og voru allir sammála um það að gera þetta í skrefum. Þessi ákvörðun  er fyrst og fremst tekin með heilsu og vellíðan okkar nemenda að leiðarljósi. 

Búið er að kynna þessa ákvörðun fyrir skólaráði og nemendaráði skólans.   Foreldrum er hér með kynnt þessi ákvörðun með bréfi í tölvupósti 15/12 og fundað var með öllum nemendum  7. - 10. bekkja þann dag og þeir upplýstir. 

Framkvæmdin verður eftirfarandi;

• Frá og með 4. janúar 2024 verða allar kennslustundir símalausar (símar geymdir í skólatöskum/skápum). 
• Vikuna 8 - 12. janúar verður fræðsla fyrir nemendur í 7. - 10. bekk um skaðsemi of mikillar farsímanotkunar.
• Fræðsla fyrir kennara sama efnis fer fram í vikunni 15.-19. janúar.
• Í vikunni 15.-19. janúar verður skólaþing með nemendum. Þar mun fara fram hugmyndavinna varðandi afþreyingu í frímínútum svo eitthvað sé nefnt. 
• Vikuna 22. - 27. janúar fer bréf heim þar sem reglurnar eru tíundaðar, um framkvæmdina, hlutverk foreldra, nemenda og starfsmanna skólans sem og viðbrögð ef reglum er ekki hlítt.

Frá 1. febrúar 2024 verður Lágafellsskóli símalaus skóli og er þá bæði átt við snjallsíma og snjallúr.