Mötuneyti

Áskrift í  mötuneyti

Sækja þarf um áskrift í mötuneyti í gegnum Völu  í síðasta lagi 20. hvers mánaðar svo nemandinn komist í áskrift mánuðinn á eftir.

Áskrift að mötuneyti greiðist fyrirfram einn mánuð í senn. Sé áskrift ekki sagt upp fyrir  20. dag síðasta mánaðar  áskriftartímabilsins endurnýjast hún sjálfkrafa. 

• Skráning og uppsögn fer fram í gegnum Völu skráningarkerfi um mötuneyti og frístund.

Hægt er að óska eftir áskrift í grænmetisfæði (ekki kjöt) eða veganfæði (engar dýraafurðir) og er það valið sérstaklega inn á umsókninni.

Ef nemandi er með fæðuóþol eða ofnæmi verður að skila inn vottorði frá lækni þess efnis til að nemandi fái annað fæði eldað fyrir sig í skólanum.   Vottorði skal skila  inn í  upphafi hvers skólaárs.

Áhersla á fjölbreyttar máltíðir á matseðli

Nemendum stendur til boða hádegisverður, kjöt- eða fiskiréttur, súpur, mjölkurvörur, brauðmeti og ávextir. Matseðillinn er unninn samkvæmt manneldismarkmiðum fyrir Íslendinga og er lögð áhersla á að hafa máltíðirnar fjölbreyttar. Hugað er vandlega að næringargildi og almennri hollustu. 

Einnig er hægt að kaupa samlokur í mötuneytinu og eru þar samlokugrill og örbylgjuofn til afnota fyrir nemendur. Að sjálfsögðu geta nemendur komið með nestispakka að heiman og er mötuneytið aðeins valkostur og viðbót við þá þjónustu sem skólinn veitir.