Fréttir eftir mánuðum

Vegna ítrekaðra skemmdarverka á skólalóð Höfðabergs hafa verið settar upp fjórar öryggismyndavélar sem mynda lóðina. Myndavélarnar eru settar upp í öryggis- og eignarvörslutilgangi. Upptökur verða aðeins skoðaðar ef eignarspjöll koma upp og ekki nema tilefni sé til. Upptökurnar eru geymdar í 40 daga og aldrei afhentar öðrum en lögreglu og þá aðeins ef upp koma eignarspjöll.

Skýrsla frá Rannsókn og greiningu sem kynnt var á fundi með foreldrum í Mosfellsbæ mið. 26/9 er nú komin inn á heimasíðu skólans undir flipanum Hagnýtt.

Fræðslu- og frístundasvið Mosfellsbæjar býður til kynningarfundar mið. 25/9 kl. 17 í FMOS. Margrét Lilja Guðmundsdóttir frá Rannsókn og greiningu kynnir niðurstöður á könnun sem gerð var í vor

Þriðjudaginn 24.sep. er skipulags-og fræðsludagur í grunn-og leikskólum bæjarins. Af þeim sökum fellur öll kennsla niður í Lágafellsskóla þennan dag og frístund verður lokuð. Leikskóladeildir á Höfðabergi eru opnar til kl. 12 en lokaðar eftir hádegi. Vetrarfrí verður síðan fim. 24. og fös. 25.okt. og skipulagsdagur mán. 28.okt. Frístund verður opin allan daginn í vetrarfríinu ef næg þátttaka fæst, sérskráning, og á venjulegum tíma á skipulagsdeginum kl.13:20 - 17:00 fyrir þá sem eru skráðir þar.

Sú nýbreytni verður í vetur að boðið verður upp á frístundabíl sem ekur á milli skólasvæða í Mosfellsbæ. Ekinn er ákveðinn hringur þrisvar sinnum yfir daginn sem hefst kl. 14:00, 14:25 og 15:25. Mælst er til þess að yngstu börnin gangi fyrir í þessum frístundaakstri.