Fréttir eftir árum

Skipulag fyrir Litlu jólin. Ath. að jólaskemmtun elsta stigs er að kvöldi 19/12 og þau því komin í jólafrí 20/12. Skóli hefst aftur skv. stundaskrá mán. 6/1 2020 Gleðileg jól 🎅

Veðrið verður gengið niður þegar skólahald hefst á miðvikudagsmorgni 11/12, það verður rok en ekki þannig að röskun verði á skólastarfi og engar viðvaranir eru í gangi á höfuðborgarsvæðinu hvað varðar röskun á skólahaldi.

Allir heim fyrir klukkan 15 á morgun Í Mosfellsbæ mun skóla-, frístunda og félagsmiðstöðvastarf raskast frá hádegi á morgun, þriðjudaginn 10. desember vegna óveðurs sem spáð er að gangi yfir höfuðborgarsvæðið.

Mikilvægt er að foreldrar/forráðamenn fylgist sjálfir með fréttum af veðri, veðurspám og öðrum upplýsingum sem gætu haft áhrif á skóla- og frístundastarf barna og bregðist við í samræmi við aðstæður hverju sinni. Aðstæður geta þróast með ófyrirséðum hætti og verið mismunandi eftir hverfum og svæðum.

Jólakúlulestri, lestrarátaki Lágafellsskóla sem stóð frá 11. -29. nóvember, lauk í síðustu viku. Nemendur fengu vikulega þátttökumiða, fyrst jólakúlu, svo jólabjöllu og loks jólasokk og skráðu á þá fjölda lesinna mínútna. Miðunum var svo raðað upp á vegg á þar til gert jólatré.

Lágafellsskóli fékk verðlaun fyrir Bestu hönnun og forritun á vélmenni í First Lego keppninni. Liðið er skipað 9 nemendum í valfaginu Vélmennaforritun.

Það var frábær mæting á Kaffihúsakvöldið 😊 Anna Steinsen frá KVAN fór algjörlega á kostum og 10. bekkingar stóðu sig frábærlega í veitingasölunni og fóru fram úr væntingum í að hjálpa til við að ganga frá á eftir. Fyrirmyndarhópur þarna á ferð

Í október fór 6. MLG að heimsækja Vísindasmiðjuna í Háskólabíó. Heimsóknin var mjög skemmtileg og fræðandi en Vísindasmiðjan tekur virkan þátt í að vekja áhuga og dýpka skilning barna og unglinga á viðfangsefnum vísindanna. Heimsóknin gekk vægast sagt mjög vel og voru krakkarnir mjög flottir, kurteisir, áhugasamir og stilltir og starfsmenn á safninu söguðst aldrei hafa hitt eins góðan hóp.

Fim. 24. og fös. 25. okt. er vetrarfrí í skólanum og því engin kennsla þessa daga. Mán. 28. okt. er skipulagsdagur starfsmanna í skólanum en nemendur eru í fríi. Frístundaselið er opið dagana 24. og 25.október í vetrarleyfinu frá kl. 8.00 – 16.00 fyrir þá sem hafa nú þegar skráð sig þessa daga. Hinsvegar er Frístundaselið er opið á venjulegum tíma á starfsdeginum 28. október frá 13.20 – 17.00 fyrir alla nemendur í 1.-4. sem eru skráðir þar venjulega. Minnum einnig á að enginn skólaakstur eða frístundarrúta er þessa daga 24. 25. og 28. október Með kveðju Sjórnendur Lágafellsskóla

Skólahlaup UMSK 2019 var haldið í Mosfellsbæ miðvikudaginn 2. október. Góð þátttaka var í hlaupinu eða um 600 hlauparar. Keppt var í fjórum árgöngum þ.e. 4. -7. bekk. Fyrstu þrír í hverjum aldursflokki fengu viðurkenningu. Af 24 nem. sem komust á verðlaunapall átti Lágafellsskóli 11 :-)