Skólastarf í janúar

Gleðilegt nýtt ár kæru nemendur og foreldrar

Þriðjudag 5.janúar og miðvikudag 6.janúar verður kennt skv. því skipulagi sem var í gildi í fyrir áramót.

Samkvæmt reglugerð um takmarkanir á skólastarfi er hægt að taka upp fullt skólastarf að nýju með öllu því sem það innifelur og því hefst hefðbundin kennsla skv. stundaskrá fimmtudaginn 7.janúar.

Engin grímuskylda er fyrir nemendur, ekki eru fjöldatakmarkanir sem hafa áhrif á skólastarf, blanda má nemendum í mismunandi hópa.  List- og verkgreinakennsla heldur þá áfram þar sem frá var horfið, hópastarf hverskonar hefst á ný, íþróttir og sund verður skv.stundaskrá, mötuneyti opnar að nýju og frímínútur fara aftur í hefðbundið horf.  Ekki þarf að gæta að hólfaskiptingu í Frístund.

Starfsfólk skólans hlakkar til að taka á móti nemendum og hefja árið af krafti. 

Eins og allir vita er nú bólusetning hafin á landinu og það er gleðiefni.  Við höldum þó áfram að sinna sóttvörnum með ábyrgð og þolinmæði.  Við leggjumst öll á eitt og klárum þetta verkefni í von um betri tíð með blóm í haga og óskum þess að árið 2021 verði okkur öllum gæfuríkt.

Kveðja frá starfsfólki Lágafellsskóla