Göngum í skólann

Kæru foreldrar/forráðamenn

Á morgun miðvikudaginn 2.sept. hefst Göngum í skólann og stendur það til 7.október. http://www.gongumiskolann.is/

Markmið þessa verkefnis er að hvetja nemendur til að hreyfa sig meira og nota virkan ferðamáta. Virkur ferðamáti er ein af einföldustu leiðum til að auka hreyfingu í daglegu lífi. Hann stuðlar bæði að betri líkamlegri og andlegri líðan ásamt því að vera hagkvæmur og umhverfisvænn. Í æsku leggjum við grunn að lífsvenjum framtíðarinnar. Einnig hafa rannsóknir sýnt að þeir sem ganga eða hjóla í skólann hreyfa sig meira í heildina en þeir sem eru keyrðir. Með virkum ferðamáta erum við að virkja stærstu vöðva líkamans, hjartað fær þjálfun og orkunotkun eykst. Því fleiri sem ganga eða hjóla í og úr skóla, því minni umferð og meira öryggi er fyrir alla í kringum skólana ásamt minni loftmengun.

Endilega hvetjið börnin ykkar til að taka þátt og velja sér þann virka ferðamáta sem hentar.

Heilsueflingarteymi Lágafellsskóla